اورمو گؤلو و حاجی لئی لک لر!

اورمو گؤلو و حاجی لئی لک لر!

قوناقلیق، اورمو گؤلونون قوروماسی نین سؤزو صؤحبتی ایله قیزیشمیشدی. ائو یییه سی میللتین آیاغا قالخیب دؤولتی زورلایاراق گؤلونون قوروماسی نین قارشیسینی آلماغی ساوونوردو آنجاق قوناقلار، میللتین بو ایشه قاریشماماسیندان یانایدیلار. اونلارین فیکرینجه، دؤولت واختیندا بو سورونون چؤزوم یولونو تاپیب خالقی نیگرانچیلیقدان قورتاراجاق ایدی. تارتیشمانین قیزغین یئرینده بیردن بالاجا یاشار دانیشیغی کسیب قوناغا دئدی:

- پرویز عمی سیزدن بیر شئی سوروشا بیلرم؟

قوناق گولومسه یرک:

- گول بالام سوروش گؤروم نه سورشوجاقسان؟!- دئدی.

بالاجا یاشار بیر قوناغا بیر قوناغین ائشینه باخیب دئدی:

- سیزین نییه اوشاغیز یوخدو؟

قوناق یاپماجیق بیر گولوشله یانیتلادی:

- آخی حاجی لئی لک لر هله بیزه اوشاق گتیرمه ییب لر.

بالاجا یاشار بیج-بیج گولدو:

- عمی، حاجی لئی لک لره چوخدا بئل باغلامایین اؤزوزده بیر ایشلر گؤرمه لی سیز!