"اؤیلاما(رأی گیری)"

آیتک_آزربایجان:

شهرده آسیلان سوچلولارا باخیب دیکسینردیک

 مظلوم لاری دارا چکمک یوخودو

گؤز یاشین آنا یاشماغیلا سیلمک ده!

نه بیلیدیک"بؤیومک"دیله یی بیزیم ایلک قارغیشیمیزیمیش؟!

منیم تانریم

بیرلیگینه سیغیناراق وورولدوم

الینده کی آلمانین دادینا باخمادان آتدین منی جننت دن

سئوگین اؤزلمیمی کولگه له میردی

پوزدوق سنینله بوتون یارادیلیش فلسه فه سین

من تامارزی ایکن

سنه یاراشدی تانریلیق

قولونا بنده لیک

نفس نفسه قاچیب

دامجی دامجی عیبادت ائتدیک

وطندن وورولدو بیزلره صیراط کوپروسو

 گؤزلرین آیدین  

جهنم ده یم

قاطار سسلری اوچوشور بئینیمده

گؤزلریم اؤزگه شهره یولچودو

کوکسومو دئش

ایچیمده ساغوللاشامادیغیم یوردداشیم وار...!

 

تانسو:

شهرده آسیلان سوچلولارا باخماغا اوره ک یوخ،

بیر آزجا داش اوره کلیلیک گرکدیر

گئدیب شهرده آسیلانلارا گؤز زیللییه نلر ،اونلارا سوچلو گؤز ایله باخمایین

بلکه هئچ سوچلو دئییللر،بلکه مندن اؤتری سیزدن اؤتری

"اؤزگورلوک"قوربانلیغیدیلار.

منیم تانریم منیمدیر

اونو نه کیمسه یه وئره رم،نه گؤستره رم

دییشمه رم ده

هر کیمین تانریسی اوره یینده

نئجه کی سیزین تانریزینان ایشیم یوخ

سیزده منی ،تانریمینان تک بوراخین

بیزه ائله بو یئترلی دیر.

 

اولو و قادیر تانرینین آدی ایله

اؤنجه لیک ایله سلام لار , سایغیلار و تشکورلریمیزی بو یاریشدا حضورلاری اولاراق بیزه اکسترا دستک اولان تجربه لی و ساوادلی دیلداشلاریمیزا و بوتون قاتیلیمجیلارا سونوروق بو دؤنه یاریشین ایکینجی پارچاسی"اؤیلاما"ایله سیزینله بیرلیک ده ییک اؤیلامانین قایدالارین قئید ائتمه دن اؤنجه اؤدولون بیر قیسمی اولان پروفایل عکیسی حاقدا قیساجا بیر معلومات وئریم ایسته دیم! قازانان بیریمجی شخصین پروفایل عکیسی 10 گون قدر اکانتیمیزدا پایلاشیلاجاق دوشونجه و اؤنه ریسی قولاغا خوش گلسه ده بعضی یولداشلارین بونو ظارافات چرچیوه سینده باشقا بیر قونویا چئویرمک لری منی سؤنسوزجا اینجیتدی دوغروسو! بو اؤنه ری اؤدول تکجه مادی اولماسین بالاجا بیر دگیشیکلیک یارانسین دئیه اؤرتایا آتیلدی اومورام بو قونودا اولان حساسیتیمیزی دوشونوب بعضی سئویمسیز ایده لری اجرا ائتمه گه چالیشمازلار قوللوقلارینا چاتدیرمالیام کی بئلنچی بیر حرکت ائدیلن صورت ده بیله مین ده تئپکیسین ایزلمک چوخ ماراقلی اولاجاق دیر! ایندیجه آشاغی قیسمت ده یازیلان یازیلاری دیقت ایله اوخویوب فیکریزجه ان گؤزل اولانی سئچیب سیرالاما نومره سین یازاراق اؤی وئرین لوطفا هابئله نهایت 3 شخصه ده اؤی وئرمه حاقینا صاحاب سیز بو آرادا قاتیلیمجی لاردا اؤیلامایا قاتیلا بولرلر تکی اؤزلرینه اؤی وئرمه مک شرطی ایله! هر کیمسه نین اؤی وئرمک ده اؤزو اوچون اؤزل ندن لری واردیر و یازی سئچمک حاقدا سلیقه لر فرقیلی دیر دئمه لی کیمیسی یازینین گؤزللیگینه باخار کیمیسی قیسا و آنلاملی اولماغینا کیمیسی ایسه یازییا باخمادان یازارا باخار! سادجه اؤی وئرن لردن ریجام بودور بعضی قاتیلیمجیلارین یازیسی تورکجه یه مسلط اولمادیقلاریندان اؤترو دوغال اولاراق دوزگون یازیلماییب(ایملا باخیمیندان)بونا جهت لوطفا اؤی وئرمک لرینده بو فاکتورون نگاتیو بیر ائتکی بوراخماسینا اجازه وئرمه سین لر! اؤیلامانین بیتیش گونو بو گوندن ساییلی 7 گون سونرا اولاجاق دیر! بو آندان بئله بوتون قاتیلیمجیلارا اوغورلار آرزولاییریق ...

آیتک_آزربایجان

**

1)ائلبان:

شهرده آسیلان سوچلولار کندیر داریخماسینی پوزماغا سوچلاندیلار!

وای دئدیم دئموکراسیه داریخدی کندیر!

شهریمین سؤیوشلو دوداقلاریندان توپورولدوم...

 منیم تانریم حرمسیز گؤیرچینلرین تانریسی! بیر آز دوست باز...

هر گئجه زنگ آچیر بیر بارداق کونیاک دیر سسی قوناق اولورام!

هر گئجه کؤنلومون ماغاراسیندا مبعوث اولورام...

اوخو دئییر عالیو قاسیموفو حزین پیانو سسینده اوخویورام! اویسا "اوخور" گؤزلریمه!

هر گئجه گؤزلریمدن داشیر تانریم! منیم تانریم....

2)تای سیز:

شهرده آسیلان سوچلولار بیر دوغوری داستان یازیرام شهرده بیر تانی شیمیز واریدی ، بیر قیزی چوخ سئوردیر اما

قیزی ورمه دیلر اونا بیر گون یانلیش تصمیم توتدیر بیر تاپانچا آلدی و اؤز ایچینده فیکیر ائله دیر کی اولاری قورخودسین

قیزین قارداشینان بوغوشدیلار و قیزین قارداشی اؤلدی بیر مودت دوستاقدا قالدی بیر ائل دن سورا بیر گون صوبح

چاغی خبر گلدی کی اوغلانی آسیبلار . اوغلان بی اومیده کی اونی باغیشلایاجاق لار فیکیر ائله میردی کی اونی

آسالار اما آسدیلار . قیزین آتاسی اوغلانی آساندا آیاقینین آلتین بوشاتدیر . اؤ مجرمیدیر و اولارا حق وریرم کی ائلیه

بیلمه دیلر باغیشلایالار ...  

منیم تانریم منی باغیشلا چوخ گوناه ائدمیشم اما سن بویوک سن سن باغیشلارسان من سنین بویوک لیغیوا آند

ایچمیشدیم کی داهی هچ کسی اینجیت مه یم اما عهدیمه وفا ائله مدیم منی باغیشلا بی گوناه کار بنده وی

باغیشلا منیم تانریم منیم سننن سورا هچ کسیم یوخدی فقط سن قالیب سان مه نه سن منه بس سن منی تک

قویما امیدیم سن ، منیم تانریم

3)ابراهیم:

آی شهریده آسیلان سوچلولارین آسیلما حئوکمونو یازانلار !

ناسیل سیزه اینسان دئمک اولار ؟

سیز ملک سیز ، بلکه ملک دن ده اعلا بیر مقام داسیز

اینسانلیق دان اوزاق اولاراق عرشه ساری چیخماقداسیز

سیزین مقامینیز اوقدر اوجالیبدیر کی اولو تانری نیدا گئچمک ده سیز

نیه کی بوتون تانری وئرن لری سیز آلماقداسیز ...

منیم تانریم

منی اؤز باشیما بیراخیب منی مندن آیئرما باری

مظلوم لارین سسین اشیدن تانریم ، مظلوملارین

سسینه سس وئر باری

4)آیلین مهرور:

شهرده آسیلان سوچلولار کیمیه م

چاره سیز و یورغون

اومودلاریمین بیتدیگی یئرده یم

ابدی حوضورا قووشماغا

ایرماق قالان تکرار گولمسه ییرم ..

منیم تانریم

قولونا ایملک ایملک ظرافت توخویوب آدین قادین قویان تانریم

تعریف سیز

آنجاق سؤزجوکلره جان وئرن

منیم تانریم اونو تانیمالیسینیز!

5)محمد ائلدار:

شهرده آسیلان سوچلولار

دارین آغاجینی

یاشیل اوجا آغاج سانانلار

یاپراقلاری میللت

بوداقلاری بیرلیگ سیمگه سی

آزادلیق قوخوسونو گوللریندن دویمادان

کؤکونو قوروتدو

اؤزگورلویه ساتقین سووارانلار


یابانجی تانری

"منیم تانریم"

قریب قالمیش یابانجی دوشونجه لر ایچینده

منیم تانریم ایپک

گؤی قورشاغینا بنزر کپنک

سیزین تانری

هؤرونجک توروندان یارانان قورخو

6)ائلنور:

شهرده آسیلان سوچلولار سوچلولار؟

کیمدیر بونو آدلاندیران سوچسوزلار

اونلارا سوچلو دیین لر اؤزلری سوچسوزمولار

بلکه او سوچلو تانینان اینسانلارا یاردیم الی اوزانسایدی

هئچ زامان بیر تیکه چوره ک اوچون باشقاسینین سوفراسینا گؤز تیکمزدیلر

گرچکدن هئچ دوشونوزمو شهرده آسیلان سوچلولار سوچلولار؟

منیم تانریم

بیر تانری دیر تانری رنگینده

منیم تانریم عشق دیر منیم تانریم هر آن اورگیمه حضور وئرن

منیم تانریم گؤزلدیر کپنک لر گؤزللیگینده

منیم تانریم بؤیوک دور اقیانوس لار وسعتینده

منیم تانریم بیر تانری دیر تانری رنگینده

7)ائلی:

شهرده آسیلان سوچلولاری گؤزله ییر

اؤنجه دن قازیلمیش گردک لری

گؤز یاشلارییلا اوغورلایان آنالار

قاییدانمایاجاقلارینا آرخایین دیرلار

منیم تانریم،منیم دوشونجه م

یاخیندایکن، نه دن اوزاقلاشیریق بیربیریمیزدن؟

بیر ایستکدن اؤترو باشلانیر سنه تاپینماق لار

یا تاپینماق دان اؤترودور سندن ایستک لریم؟

کئشکه بیر ایسته ییم اولمایایدی دا اوندا دا سنی چاغیراجایدیم گؤره سن؟

آغرینیر نامازلاریم

دئیه سن سنه یانلیش وورولموشدوم

یوخسا بو تئزلیگه آیریلمایاجایدیق...

هر نه ییم سن ایدین

هر نه ییم سن ایمیش ایمیشسن

8)قارا قارقا:

1.شهرده آسیلان سوچلولار سون دفه حسرت ایله باخدیلار شهره

شهر اونلاردان توتقونودو، اونلاردا شهردن...

2. منیم تانریم،

من بیرینجی رولو اولان داستانین بؤیوک یازیچی و کارگردانی دیر،

هر چتین اولای اوز وئرنده ،

منی اؤز آماجینا ساری آپاریر و اونون آماجی منیم موتلولوقومدور

9)alişqan

شهرده آسیلان سوچلولارین دار آغاجین اوز یالنیش اینانجلار و اویرتیم لریمیزینن ایللربویو سوواریپ، بویوت میشیخ

هر گون و هر آن "منیم تانریم"نان ، "منیم" ی باشدان و سونونداکی "م" پوزمالییخ . تکجه "تانری" هر شیه یتر

10)بهزاد زالی:

1- شهرده آسیلان سوچلولارین روحو شهرده کی آسیلمایان سوچلولاری گؤرورلرمی؟!

بلکه اونلار «یا سیز ده جانلارینیزی وئرین یا بیزیم ده جانیمیزی قایتارین» دئیه اومورلار

منیم تانریم! «دوست»ا هر یئرده اولورسا اولسون، جان ساغلیغی دیله ییمیزی قبول ائله.

منیم تانریم گئدیب گئری قاییتمایان «دوست»ا سلام لاریمیزی سؤیله. چونکی «دوست» هپ دوست قالاجاق

 

11)11نومره لی قاتیلیمجی یاریشدان اَلَنمیش دیر!

 

12)یوسف جوادی:

شهرده آسیلان سوچلولار سو تک میندار کؤپک لرین گوناهین یوور

منیم تانریم

اوره ییم یارالی دیر دوزلو یاریم اوره ییمه دئیمه سین...

13)یاغیش:

شهرده آسیلان سوچلولاری دارا چکیلن زامان چوخ آداملار دؤره لرینه ییغیشیب باخیب ایستیرلرگؤره لر نئجه جان چکه

چکه بو دونیادان اللرین اؤزورلر اوغورلوق ائله مک اوچون یا هرنه... بلکه بورا ییغیشانلارین اوچ دؤردی ، دیری اولان

زامان، سوچلولارین یانیندا  اولسایدیلار البت بو گونه(سوچلو)توشمه زدیلر  و یاشاییشلاری بئله سونا چاتمازیدی

بوگون سوچلولارا باخیب  اونلاری سؤویوک،دئیییق نه یاخشی  شه هر سوچلولاردان بوشالیر، آمما دیین یوخدور صابا

بیزیم  اؤز گیزلی ایشلریمیز،عمل لریمیز  اوزه چیخسا وای حالیمیزادی!!!!!!!!!

منیم تانریم ای باغیشلایان آللاه باغیشلا منی.... نیاکی یاراتدیغون یئرگؤیون داغ داشین ،گزیب دولاندیم،کور اولموش

گؤزوم سنی گؤرمدی وئردیین النن گوناه ائلیب دیلیم کیفر دانیشدی اورگ سنین یئرین اولاجایدی باشقالارین

سئوگیسی اؤرگده بئجه ریلدی منیم تانریم باغیشلاکی سئرچه، یا دا قاریشقا قدده اولمادیم ذیکرون هممشه

دیلیمده اولا

14)بهمن زنجانلی:

شهرده آسیلان سوچلولار...

دارین ایپینی اوپدولر...

سوردولار: نئیه...؟

دئدیلر: بو ایپ بیزی آیاق اوسته ساخلاماقا چالیشار؛

آمما، چوخلاری بیزی ییخماغا چالیشدی...!

منیم تانریم...

سوچلاریمی گؤره گؤره گیزلدیر

تانریمین بنده لری، گورمه میش جار وورورلار...

15)ماهنی:

شهرده آسیلان سوچلولار تک آسیلیرام گوزلریندن سئوگی سوچونا بیر دنیز اولورام باغریما باسیرام سنی

منیم اولورسان سوچلاریم داها چوخالیر گوزلریندن آسیلیرام شهرده آسیلان سوچلولار تک

منیم تانریم آللاه...

تانریم منیم سن!!!

منیم تانریم باغیشلاسین کؤنلومه ایتحاف ائتدیگی سئوگی تانریم اولوب

آنجاق سئویـــــــــــــــــرم کبیره گوناهیمی سئویــــــــــــــــــــــــــــــرم سنی...  

 

16)16نومره لی قاتیلیمجی یاریشدان چکیلمیش دیر!

 

17)گروه کوهنوردی قافلانتی:

شهرده آسیلان سوچلولار ....

 اوانلارا باخان سوچسوزلار ! . . . . آسیلانلاردان سوچلودولار !

منیم تانریم . . . سنین تانرین !

هر کیم بیر تانری یارادیر ! . . . " تانری . . . یارادیر

18)سیروس گودرزی:

شهرده آسیلان سوچلولار ... آصلانا بنزر قوچ دولار

منیم تانریم یاردیم ایله بیرلئشق ... دشمن لرین وعده لری پوچ دولار

19)بچه فهیم شهر:

شهرده آسیلان سوچلولار ....پائیز یاپراقلاری کیمن دار آغاجیندا اسیللر

منیم تانریم رحمت قاپیسین پشمان بنده سینه، هئچ بیر زمان باقلاماز