من سنی سئویرم سن نئجه گولوم

مجنون ائله میسن بو خیالیمی

من سنی سئویرم سن نئجه گولوم

اولموشام عشقیندن دیوانه دلی

من سنی سئویرم سن نئجه گولوم

عشقین یاندیریبدیر قلبیمی یاخیر

آیریلیق گؤز تیکیب کؤنلومه باخیر

باخدیقجا گؤزلریم سوزولوب آخیر

من سنی سئویرم سن نئجه گولوم

عشقین یول تاپیبدیر سینیق قلبیمه

سینمده مرحمدیر کؤهنه دردیمه

آند اولا آلیشیب یانان عشقیمه

من سنی سئویرم سن نئجه گولوم

ایسته سن سئوگیلین اولاردیم سنین

قولومی بوینیوا سالاردیم سنین

اؤلونجه یانیندا قالاردیم سنین

من سنی سئویرم سن نئجه گولوم

"باخیش"کؤنول وئریب سنینله قالدی

اؤره یینه سئوگی محبت سالدی

 قوش اولوب گؤیلرده بیر قاناد چالدی

من سنی سئویرم سن نئجه گولوم

بو شعری یازان: رضا "باخیش"