بو یئنی ایل بوتون دونیا تورک دیلداشلاریما ، سوی داشلاریما و هابئله تورک وطن داشلاریما ، قوتلو اولسون...

گئلدی بهار هموطن چؤللری جنت ایله دی /    سیر گلستانه بوگون اِئللری دعوت ایله دی/  

غنچه گول آچدی نازیلن،ائتدی جهانی رنگ  رنگ /   خالق عالم و زمین لطف و محبت ایله دی/

گول  آسلانوبدی ساقه دن ، بلبل شوریده هانی /  یئتیردی یاری وصلینه،عاشقه حرمت ایله دی/

فصل خزان طی اولوب،قورولدی اوردوی بهشت/  توکدی جهانه نعمتین، عالمه زینت ایله دی/

ائتدی خدای رحمتین ، توکدی جهانه نعمتین /  باغیله بوستانی یانان،بلبلی رؤیت ایلدی /

کئچدی فراق گونلری گئلدی وصال موسمی /  وئردی نسیم جنتی عالمه رحمت ایله دی/

ساخلا بهارون حرمتین ، پوزما اونون طراوتین/یاغی و حرمت شکنه حق اؤزی لعنت ایله دی