یئتدی ساغلیقلان بوآی پایانه الله چوخ شکر

نفس عماریله چیخمیشدیق بو آیدا جنگه بیز
قویمادیق بیر لحظه دوشسون بو اروجلوق لنگه بیز
شیطانی هر یئرده گوردوک فوری باسیق سنگه بیز
ویرمدیک فرصت بو آی شیطانه الله چوخ شکر
یئتدی ساغلیقلان بوآی پایانه الله چوخ شکر

اگنیمیزدن لحظه ی تقوا لباسین سویمادیق
بیر گجه راحتلیگیلن یاسدیقا باش قویمادیق
سوز بودی جوشن کبیریله مجیردن دویمادیق
سن بیزه لطف ائتدیگون احسانه الله چوخ شکر
یئتدی ساغلیقلان بو آی پایانه الله چوخ شکر

برقرار ائتدیک شب احیا دعا برمه سین
سوتکیمین سوزدیک عباداتی چخاتدیق خامه سین
مرتضی یه امضالاتدیردیق بهشتین نامه سین
گیتملی اولدوق بیز او رضوانه الله چوخ شکر
یئتدی ساغلیقلان بوآی پایانه الله چوخ شکر

بیز سنیله ایلدیک یارب بو آی راز نیاز
یوز دوتوب درگاهوه قیدیق خداوندا نماز
وار یقینیم جنته گیتمکلیگه آلدیق جواز
دردیمیز یئتدی بیزیم درمانه چوخ شکر
یئتدی ساغلیقلان بوآی پایانه الله چوخ شکر

پاشیام الله شکر اولسون شعاریمدی منیم
دینی تبلیغ ایلمکلیک. افتخاریمدی منیم
سوزلریم محشر گوننده اعتباریمدی منیم
یازدیقیم بو الدکی عنوانه الله چوخ شکر
یئتدی ساغلیقلان بوآی پایانه الله چوخ شکر

https://www.miyanali.com/pasha-nasiri

https://eitaa.com/ASHAR_PASHA